Utjela abahlukumezi bomfazi wakhe indaba zabo ku-Tiktok

July 3, 2026 Sizakele Nduli 45 Views

Umlingisi we-Fatal Seduction uPrince Grootboom uvikele umfazi wakhe uRorisang Mohapi eenkundleni zokuthintana.

Umlingisi we-Inimba ukhuze abantu eenkundleni zokuthintana kuvidiyo yakhe ye-Tiktok bonyana balise ukuhlukumeza umfazi wakhe, ngomhlaka 24 Mngwengweni 2026.

“Nanoma ukhulume into ehle, nofana ukhulume into embi, kwanele. Umfazi wami akhenge akatelelwe ukwenza litho.

Wenze lokho enzela ukuthula kwakhe begodu ngiyakweseka lokho. Thola ipilo, thola umsebenzi, yekela ukukhuluma ngomfazi wami.”

FUNDA NALOKHU: https://ilangabinews.co.za/unandi-ndathane-uvule-isifuba-ngokujola-noemtee/

Lokhu kuza ngemva kokobana umlingisi we-House of Zwide kanye ne-Gqeberha:The Empire, uMohapi, aqaphelise abanye abafazi ngokuzitjhideza eduze nendoda yakhe.

UMohapi uthole iskhundla sokulingisa emdlalweni we-Thuli’s Doek mvanje.

Uzokusebenza kanye nabalingisi abanoniphekileko emkhakheni wokulingisa, uMagic Hlatshwayo kanye no Linda Sokhulu.