UEmtee uphendule ngokuhlakanipha epini ephehlwa nguNicole Chinsamy

Umvumi we-rap, uEmtee uphendule umfazi wakhe waphambilini, uNicole Chinsamy, emva kokuthi amsolele pepenene ngokunganakekeli abantwana babo.

UEmtee useseseendabeni godu ngebanga lobunzima bobudlelwano babo, kanti uChinsamy utlole umlayezo ongasimuhle ngobaba ongasisepilweni yabantwana bakhe ngaphandle kokutjho igama lakhe.

UChinsamy utlole wathi “Ukukhetha ukungazibandakanyi epilweni yomntwanakho, ukungamunakekeli, bese UZENZA UNGAZIMBI. Kufanele kube lihlobo elithize LOKUGULA NGOKOMKHUMBULO.”

Um-rapper akhange amotjhe isikhathi. Waphendula msinya bonyana akakahlosi bonyana indaba le ibesemehlweni wabantu eenkundleni zokuthintana.

FUNDA NALOKHU: https://ilangabinews.co.za/umfazi-ka-emtee-uveza-iinthombe-ezibalekisa-igazi/

UEmtee ukhulume wathi abantu abaphehla ipi balinga ukumubandakanya ekingeni yezomthetho godu.

Watlola wathi: “Mane say, angidlali lo mdlalo wenu wokuba mapholisa weenkundla zokuthintana.

Nilinga ukungenza ngibotjhwe godu. Screw all that. Yindaba yezomthetho le, gang. The F!?”

Ukurhorha-rhorhanokhu ngezinye yezipi zalaba ababili abazala abantwana abathathu.

Ukuhlukana kwabo kubonakale ngezipi zomthetho, iinsolo zokuhlukunyezwa, ama-‘protection order’, kanye nokungaboni ngasolinye ngokukhuliswa kwabantwana.