Waphela njalo umendo ka Oyisa Matebese

U Oyisa Matebese uveza iindaba ezirhabhudla abalandeli bakhe ngokuphela ko mendo wakhe. U Matebese uthi ukuphela ko mendo wakhe kubangelwe kungathembakali eemfungweni ezathwathwako ehlangothini la ka baba wakwakhe.

U Matebese uhlathulule bonyana ubaba wakwakhe ungene ebudlelwaneni nomuntu asebenza naye.

Uthi okumuzwise ubuhlungu khulu kukobana akhange babufihle ubudlelwano babo. U Matebese, odume khulu eenkundleni zokuthintana begodu oyi ‘Content Creator’ uneminyana ematjhumi amabili nabunane.

Uveze bonyana uneminyaka emikhomba ahlala no baba wakwakhe. Kuyo iminyaka emikhomba leyo, emihlanu ngileyo ayihlala emendweni.

U Matebese uvele pepenene ngokuphela ko mendo wakhe ngombana ufuna abalandeli bakhe bazizwe ngaye iindabezi.

Uqhubeke wakhuluma bonyana utjhiye umuzi wakhe wemendweni wayokuthola indawo asele ahlala kiyo nomntwana wakhe.

Nanyana kunjalo, uthi okuhle kukobana unabantu abasondelene naye abamesekako ebunzimeni adlula kibo.

Emphasini lama ‘Content Creators’ banengi abadlula esimeni esifana ne saka Matebese.

Abanye ababonakale eenkundleni zokuthintana ngu Promise Makunyane, Kgomotso Ramano, Mandisa Makhasi kanye nabanye.

Lokhu kuveza bonyana abantu bangafunda ukudlula ebunzimeni babo ngokubona bonyana akusibo bodwa abadlula ebunzimeni.