Abosaziwako abathandathu abafisele uGrace Mondlana ukululama

Usaziwako eenkundleni zokuthintana uGrace Mondlana, wazise abalandeli bakhe ngesehlakalo esithusako ngomhlaka 3 Rhoboyi 2026.

Kulapho athi wakhutjwa, wasiwa nesibhedlela ngemva kokuwela phasi ekhaya, kanti isimo sakhe satjhuguluka saba simbi khulu kunalokho abantu bebakuqabanga ekuthomeni.

Umntazana oneminyaka ema-25 bekahlika emastepisini ekuseni ngomhlaka 29 Velabahlinze 2026 nakazozizwa angakaphatheki kuhle.

“Ngazizwa nginesiyezi ngesikhathi ngehla ngamastepisi ekuseni, ngaphambi kokobana ngingenza okuthize ngalokho, ngawa phasi.”

UGrace wabuya esimeni sakhe ngemva kokobana izinja zakhe zithome ukukhonkotha. Lokho kwenza umsizi wakhe (domestic worker) adosele i-ambulensi.

Lokho uGrace bekathi kudinwa, kwabonakala kungasikho lokho. Kwaba yisimo esibudisi khulu.

Inyawo lakhe elivuvukileko lenza abodorhodere bonyana bamuhlolisise ukuya phambili.

Kulapho ebathole khona ukuthi imizwa yemilenze yakhe idabukile begodu itshinyekile, okudinga ukuhlinzwa.

Kodwana ngaphezu kokulimala komzimba, abodorhodere bathola okhunye okungakhambi kuhle.

“Sathola bonyana nginobulwelwe bemizwa yobucopho ebenze ngiwe phasi. Sengithome ukuya ku-physiotherapy ukuthoma ikhambo lokuphola enyaweni lami.”

Ukuwa kwakhe kwenzeka kweskhatjhana esincani ngemva kokuthi uGrace enze umnyanya yokuzalwa kenja yakhe, uKai, eyakhulunywa babantu abanengi.

Abantu abasondelene naye epilweni yakhe bajama naye. Ababelethi bakhe, ugogo wakhe kanye nabentwana bekhabo bafika esibhedlela namabhlomu kanye nokudla.

Abosaziwako abafana no Bheki Ndamase , Tefelo Mathabe kanye noLasizwe nabo bamvakatjhela esibhedlela.

Kanti uPearl Modiadie, Liema Pantsi kanye no-Miss South Africa waphambilini uQhawekazi Mazaleni bamufisele ukululama okuhle eenkundleni zokuthintana.