Angikusabi mfo: U DJ Speedsta ukhuluma ngepi no Stilo Magolide

UStilo Magolide no DJ Speedsta bagqine baphendula imibono esatjalaliswe ezinkundleni zokuthintana ngepi yabo.

Abavumi laba ababili bakhwele phezu kweendaba emveni kokuthi kuvele ividiyo eenkundleni zokuthintana ebakhombisa baphikisana khulu emnyanyeni womkhakha womvumo oqeda ukwenzeka. 

Kuvidiyo le, uStilo ubonakala aqalene no DJ Speedsta, amsola ngokudelela. 

U Stilo uzwakala afunga uSpeedsta ukuthi atjho khona lokho abegade amthuka ngakho emqoqiswaneni wabo wangasese ku-WhatsApp.

Nanoma uSpeedsta angakhange aphendule ngokukwata okufanako, kodwana ukhulume okunengi ehlelweni lakhe lamuva le Up To Speed podcast, ngomhlaka 30 Mngwengweni 2026. 

U-DJ lo uveze bonyana ukuzibamba kwakhe bekungekwomsebenzi ingasi ngoba uyasaba.

FUNDA NALOKHU: https://ilangabinews.co.za/u-chidimma-adetshina-uzithole-ngaphakathi-kwepi-yokufuduka-e-sa/ 

“Kumele ngitjho, Chocolate, angikusabi, mfowethu. Into nje kukuthi nginokunengi engingakuloba, wena awunalitho owungakuloba, ngiwo lowo umehluko phakathi kuka Chocolate nami.”

Akhange agqine lapho. Waragela phambili waqaphelisa umvumi we-rap ukuthi i-Vaal ikwatile, wathi unama “pitbulls” angawabiza  ukuthi baqalane nesimo lesi kodwana wakhetha ukungenzi njalo. 

Ubuye godu wathi nangabe uStilo wafaka ikulumo yakhe nezandla phakathi, ngabe sekamtjhingise eKhotho.