UDJ Zinhle uthi imibono yabantu ngomtjhado wakhe izwisa ubuhlungu

UDJ Zinhle uvule ihliziyo yakhe ngobudisi bokuhlaselwa eenkundleni zokuthintana mayelana nomtjhado wakhe nomvumi uMurdah Bongz, okunguBongani Mohosana ibizo lakhe lamambala.

UNtombezinhle Mohosana oneminyaka ema-42,  nguDJ ophumele khulu eMzansi begodu ngusomabhizinisi.

Waziwa ngeengoma ezikhamba phambili ezifana ne-My Name Is kanye ne-Umlilo, begodu wakhe ibhizinisi lakhe elikhulu ngamabhrendi afana ne-Era by DJ Zinhle ne-Boulevard Nectar Rosé.

UDJ Zinhle uveze emcociswaneni wakhe no L.Tido ku-L.Tido Podcast bonyana imibono yabantu eenkundleni zokuthintana ngomtjhado wakhe imthinte khulu.

“Ukuthi umuntu atjho bonyana ‘akakwazi ukugqina indoda yakhe. Akufani mina ngiyakwazi ukugqina yami indoda,’ kungani usebenzisa mina ukuzikhuphula wena?” Kwatjho uDJ Zinhle.

Uveze bonyana abantu bayamahlulela ngaphandle kokwazi bonyana ubuya kuphi nepilo.

Okhunye godu akhulume ngakho mibono yabantu ngomtjhado wakhe. 

Wathi abanengi babuza ngeenqunto azithathako, njengoba avezile naye ukuthi bazibuza ngalokhu ngombana kubonakala ngathi akanayo ihlonipho kuMurdah Bongz.

Abantu baqabanga ukuthi UDJ Zinhle akahloniphi uMurdah Bongz ngebanga lakaAKA. 

Ngemva kokuthi uAKA abulawe ngo-2023, iindaba zomtjhado kaZinhle noMurdah zavuswa. 

Ngoba uAKA noMurdah bebanokungazwani, abalandeli babona ngathi uZinhle ukhuluma ngobuhlungu bakhe ngesikhathi esingakafaneli, begodu uhlasela uMurdah. 

Ngikho okwenza abantu bamtshwaye iphoso eenkundleni zokuthintana ngendlela enza izinto ngakho. 

Nanyana kunjalo, uDJ Zinhle watjho wathi umndeni wakhe ukhamba phambili.