UMahlalentabeni ukhuza iziga zaka Latoya Makhene

Umkhulu “Baba” Mahlalentabeni oyinyanga yesintu ukhiphe iziga ezenziwa ngu Latoya Makhene ngesikhathi basese nobudlelwano.

U Mahlalentabeni ulila ngokuthi uMakhene ubaleke nomntwana wakhe womsana.Lokho ukukhulunyiswa kukuthi wagqina ukubona umsanyana wakhe ngenyanga kaNobayeni enyakeni ophelileko.

UMahlalentabeni uthi ubudlelwano bakhe no Makhene buthome kuhle ngonyaka ka-2024. Uthi bathome njengabantu abarhelebhana ngeze sintu ngombana uMakhene naye ulapha abantu ngesintu.

Kodwana izinto zakhe zobungoma bezingalungi.Izinto zitjhuguluka nakusungulwa ihlelo le Mzansi Magic elibizwa ngokuthi yi The Makhenes. Kulapho-ke ekuthome khona iziga zaka Makhene zokukhuluma amanga nokungathembeki.

Nje uMahlalentabeni uveze bona uMakhene akusiso iSangoma samambala begodu akayazi into ayenzako.

Ngakelinye ihlangothi, uMakhene uninda uMahlalentabeni ngeqala lokudla iindakamizwa.

Lokho uMahlalentabeni ukuphikisile begodu wathi nguye obekaletha iindakamizwa ekhaya.

Okudose amehlo kukobana lokho okukhulunywa ngu Mahlalentabeni akukahluki khulu kunalokho okwakhulunywa ngu Lebo Keswa.

U Keswa naye wavula isfuba ngeqiniso lakhe ngemva kokuphela komendo wakhe no Latoya Makhene ngonyaka ka 2024.

Naye walila ngeendakamizwa, amanga nokungathembeki ebudlelwaneni babo.