I Life with Londie London ithoma ngesicephu esitjhisa bhe

Ihlelo eliveza ipilo yamambala yomvumi uLondie London kumabonakude lithoma ngesicephu esitjhisa bhe ngomhlaka 21 Mrhayili 2026.

Isicephu sokuthoma se Life with Londie London, ababukeli babona ikhambo lepilo ka Londie. 

Uvule isfuba ngokuba munye ngesikhathi akhulelweko, amahlandla amabili.

Nakabuyela emuva aqabangisisa ngepilo yakhe, uthi nanoma ayokuhlolisisa isimo sakhe sokuzithwala uzithola anganasekelo la ka baba wabentwana bakhe.

Uthi ubaba wabentwana bakhe ababili akhange afike esibhedlela ngemva kokubeletha amahlandla amabili.

U Londie uveze bona akhange aqabange bona kuzakuba nguye yedwa umzali ebantwaneni bakhe.

Umvumi u Londie London watjhada no somarhwebo u Hlubi Nkosi kodwaba wafaka isehlukaniso ngonyaka ka 2022.

Nakahlathulula indlela umendo wakhe bewungakhona, uthi ithando belingekho begodu bekumakhaza ngaphakathi kwekhaya lakhe.

U Londie udlala iindima ezinengi. 

Lokho kufaka phakathi irhwebo lakhe i Londie London Braid kanye namanye amarhwebo anawo.

U Londiwe Siphiwokuhle Zulu wabelethelwa eDurban, abeletha ngu Dudu Zulu oyi- Accountant kanye no Zakheleni Christopher Zulu owakhamba emhlabeni.

Wakhulela e Melmoth esfundeni se Kwazulu-Natal, wathi unina nakathola umsebenzi e Witbank bathuthela khona.