I-Mafikizolo ikhitjhiwe kuKhonseti i-Buddie Beatz eVictoria Falls

Ukungazwani phakathi kweenarha kwezomvumo kukhuphukile ngemva kokukhutjhwa kwesqhema seMafikizolo kuKhonseti i-Buddie Beatz eVictoria Falls. 

Ukukhutjhwa kwalaba ababili kulandela ukuhlaselwa babantu eZimbabwe ngeensolo zokuzonda amaphandle kanye nemitjhagalo eSewula Afrika.

Ngomhlaka 29 kuMgwengweni, u Sandile Makeba osebenzisa i-X (Twitter), ozazisa njengomXhosa obelethelwe eZimbabwe, uqwayise isqhema seMafikizolo. 

U Makeba ubeke kwazwakala bonyana abantu beSewula Afrika abakamukeleki enarheni yeZimbabwe, waveza isifiso sokuvikela umnotho womvumo wenarha yabo.

“Nangabe ihlelo leli alakasulwa thina njengelutjha lenarha le, sizobe sikhona ukuqinisekisa bonyana ihlelo leli alenzeki.”

Ubuhlungu lobu buza ngesikhathi esibucayi khulu.

Lokhu kuqondane ngqo ne-“national shutdown” ehlelelwe ukulwisana namaphandle eSewula Afrika.

Ihlelwe miphakathi yeendawo ezihlukahlukeneko, i-shutdown le inemibuthano emikhulu efuna ukuqiniswa kokulawulwa kwama-borders, ukuhlolwa kwamaphepha, kanye nokuqotjhwa kwamaphandle angawo amaphepha asemthethweni wokuba senarheni le.