U Babes Wodumo uthi ufana no Beyoncé no Tyla

Umvumi we Gqom uBabes Wodumo ukholelwa bonyana use zingeni lomvumi owaziwa khulu ephasini-mazombe uBeyoncé Knowles-Carter kanye no Tyla Laura Seethal.

Lokhu kuvele nakabuzwa bonyana ngubani umvumi angasebenzisana naye engomeni yakhe elandelako.

U Babes Wodumo wakhipha ingoma eyatjhisa amadamu anamanzi ngonyaka ka 2015 i “Wololo” kulapho athola idumo enarheni ye Sewula Afrika.

Uveze bonyana u Beyonce kanye no Tyla ngibo bodwa angaphalisana nabo begodu ufisa ukusebenzisana nabo.

U Beyoncé waziya ngokuvuma ihlobo womvumo ekuthiwa yi R&B, Pop and Hip-Hop bese u Tyla yena adume ngehlobo lomvumo obizwa ngokuthi yi Popiano, Afro-beats and Pop.

Ukholelwa ekutheni uBeyoncé ufana naye ngombana unekani njengaye. No Tyla naye ngokunjalo.

U Babes Wodumo ubuye watjho bonyana akaqabangi ukuthi abanye abavumi bangamuhlula.

Komunye umbuzo, uBabes Wodumo ekungu Bongekile Simelane ubuzwa bonyana yini emgqugquzela bona aqhubeke njengo mvumi.

Uphendule wathi into eyamugqugquzela eminyakeni yoke emkhakheni lo womvumo kukwenza umsebenzi.

Uvumile godu wathi uphilela umvumo we Gqom. Uthe nje into emugqugquzelako kukuthi ubaba wakwakhe uMampitsha akasekho.

Ekulumeni abenayo no mrhatjhi we Gagasi FM, uBabes Wodumo wathi ubhudanga uMampitsha, owakhamba ngonyaka ka 2022, amkhuthaza bonyana asebenze.