I-March and March ibuya ngomtjhagalo onamandla

Ihlangano ye-March and March imemezele ilanga langomhlaka 30 Khukhulamungu (September) 2026, njengesinye isikhathi sokwenza imitjhagalo. 

Imitjhagalo emikhulu ibuya godu ukuzokukatelela urhulumende bonyana aqotjhe amaphandle  anganamaphepha asemthethweni afaneleko ukuba senarheni yeSewula Afrikha.

Inhlangano ithi umtjhagalo ozako uzobe “uhleleke ncono begodu umkhulu” kunalowo waphambilini wangomhlaka 30 Mngwengweni enarheni mazombe.

Umkhulumeli we-March and March, uSandile Dube umemezele isigaba sesibili sangomhlaka 30 Rhoboyi ‘National Day of Action’.

Wabiza boke abaholi beenarha bonyana balungisele ukuqotjhwa kwamaphandle anganamaphepha asemthethweni eSewula Afrikha ngomhlaka 30 Khukhulamungu 2026.

UDube uthe ihlangano inokuzithemba begodu isesimeni esingcono ngokweenhlelo kunaleyo eyabakhona ngomhlaka 30 Mngwengweni.

UDube uthe ihlangano iragela phambili nokubiza woke amaSewula Afrikha bonyana alandele umthetho begodu babe mamehlo neenndlebe zamapholisa ngokumelana nobugebengu kanye namaphandle anganamaphepha afaneleko.