UGayton McKenzie uhlathulula bona iyephi i-R31 million yeBhigiri yePhasi
UNgqongqoshe wezeMidlalo, amasiko, nobukghwari uGayton McKenzie uhlathulule indlela umnyango wakhe osebenzise ngayo pheze i-R31 million ephaliswaneni leBhirigi yePhasi ye-FIFA ka-2026.
I-DA ne-ActionSA zibuze ngeendleko lezi begodu zafuna isibalo esipheleleko seendleko.
UMcKenzie uthe abantu abali-151 bangenelele ihlelo, kodwana umnyango ubhadelele abantu abama-75 kuphela.
Lokhu kubahlanganisa iinkhulu ezima-18, abavumi kanye nabavumi beengoma zesintu abama-30 kanye nabadlali abama-27 besiqhema sabadlali bangaphambilini beBafana Bafana yango-2010.
Abasekeli babhadelele abanye abantu abama-76. Babala abalandeli abama-47 kanye neembiki-ndaba, abosaziwako eenkundleni zokuthintana (influencers) kanye nebama-podcast abama-29.
Umnyango usebenzise i-R7.86 million eendlekweni zemphaphamtjhini, iindawo zokuhlala, iinthuthi zekhaya, umtjhorensi wokukhamba kanye nemali yeendleko yaqobe malanga yeenkhulu.
Isebenzise godu i-R6.71 million esiqhemeni sabadlali bakade beBafana Bafana, abadlale ngokumelene nabadlali bakade beMexico.
I-R10 million yona kuthiwa ibhadelelwe iminyanya ekhuthaza iSewula Afrikha, abavumi bamasiko abama-30 kanye nehlangano eyasiza ukutjhingisa ihlelo leli phambili.
Iindawo zokwamukela iimvakatjhi eAtlanta neMonterrey zibize i-R3.36 million.Umnyango wezeMidlalo, amasiko, nobukghwari usebenzise godu i-R3.01 million emathikithini ama-294 wemidlalo ye-Fifa emadorobheni amathathu.
UMcKenzie ukuphikile ukuthi usebenzise imali yomphakathi budedengu begodu wathi ikhambo lisize ekukhuthazeni iSewula Afrikha.
FUNDA NALOKHU: https://ilangabinews.co.za/iphenyo-ngokuhlongakala-kukagcina-dhladhla-liragela-phambili/
“Lokho akusikho ukusebenzisa imali budedengu, kodwana kukwakha isitjhaba/inarha, ukukhuthaza umnotho nokwenza amathuba kumaSewula Afrikha,” watjela i-TimesLive.
Uthi iindleko zakhe yedwa zingaphezu(dlwana) kwe-R1 milllion.
Lokhu kufaka phakathi ukubuya eSewula Afrikha ngesphaphamtjhimi ngelanga labantu abatjha ngomhlaka 16 Mngwengweni.
UMcKenzie uthe wasebenzisa i-Uber namatekisi esikhundleni sabatjhayeli abazijameleko. Umndeni wakhe nawo wakhamba naye kodwana wazibhadelela iindleko zawo.
Indaba epheleleko ku: Scrolla.Africa
