Indima ka “Jonasi” ibabazwa eenkundleni zokuthintana

Umlingisi u Sdumo Mtshali uthole idumo ngendima yakhe ka “Jonasi” emdlalweni we The Polygamist ku Netflix.

Umdlalo lo, othome ukuvezwa ngomhlaka 12 Mngwengweni 2026 uvale tsi iinkundla zokuthintana.

Ababukeli enarheni mazombe bakhuluma ngendlela u Mtshali ayidlale kuhle ngakhona indima ka “Jonasi”.

U Gugu Gumede, odlala indima ka Joyce Gomora ku The Polygamist, naye ubabazwe khulu.Umdlalo lo usukela encwadini etlolwe ngu Sue Nyathi obuya enarheni ye Zimbabwe.

Begodu uveza ipilo yomuntu wembaji ongu somarhwebo onemali nesthembu.

Kanti ke, ipilo yakhe ayakhe ngokuzikhandla igqina isabalala phambi kwakhe.Ku series le, u “Jonasi” uvela njengomuntu onepilo yamabhudango wabantu abanengi.

Ungumphathi werhwebo elenza imali begodu uhloniphekile emndenini.

Ngakwelinye ihlangothi, unomtjhado obonakala ugqwele ithabo kodwana u “Jonasi” uphila ipilo emangazako ngasese.

Emdlalweni lo u “Jonasi” uqalene nabafazi abathathu abatjhadileko, ‘abomakhwapheni’ kanye nemijolo yakhe yangasese.

Umdlalo lo uveza ukuwa kwaka “Jonasi”, amandla, ikohliso kanye nomndeni wakhe.