ULatoya Makhene ukhuluma ngokuphela kwe-The Makhenes

I-Reality TV series i-The Makhenes iphele ngokusemthethweni emva kweemveke ezimatjhumi nantathu (13).

Ihlelo leli linikeze ababukeli ithuba lokubona iimpilo zomndeni odumileko eSewula Afrikha.

Umlingisi nomvumi uLetoya Makhene uthi ihlelo leli libe ngaphezulu kwakamabonakude nje kuphela, walihlathulula njengekhambo elikatelele yena nomndeni wakhe bonyana uqalane namaqiniso abuhlungu.

Emcociswaneni wakhe ne-IOL, uqabangisisile ngalokho okwamthinta emoyeni, kanye nemfundo aphuma nazo ehlweleni le-The Makhenes.

UMakhene uvumile bonyana ukubukela kabutjha ezinye iincephu zomdlalo kumthinte emoyeni, khulukhulu nakazakululekwa kanye nabantwana bakhe.

Uthi ukubona imizuzwana yomndeni ivela kumabonakude kubenzima, ngoba kwaveza indlela ebuhlungu umndeni lo uphilisana ngayo.

UMakhene uthi enye yezinto ezimangazako bekukukuthi ababukeli baphendula ngendlela ehle. Abanengi babona iinkinga zabo zomndeni zibonakala ku-The Makhenes.

Wahlathulula wathi imilayezo eminengi ayitholako kubalandeli ibonise ukuthi ihlelo labathinta khulu abantu abaqalene nokuqabana, ukuphola, kanye nokukhula.