Irhubhululo litjhugulula indlela iSA ibona ngayo i-heart failure
Abantu abanengi eSewula Afrikha abaphila ne-heart failure bangathola isizo elikhulu.
Lokhu kuza ngemva kwerhubhululo elenziwe ngudorhodere nomrhubhululi weJwanisbhege, uDr Nene Mboweni-Kondlo.
Umsebenzi wakhe uhlolisise izinto ze-genetic, ze-clinical, nezebhayoloji ezingakhuphula ukukhula kobulwelwe, indlela esiphendula ngayo eenhlahleni, kanye nemiphumela esigulini.
UDr Mboweni-Kondlo une-PhD ye-cardiovascular physiology e-Wits University.
Isifundo sakhe sigqile emiphumeleni ye-clinical ne-biochemical ye-atrial fibrillation (AF) ezigulini ezine-heart failure enokwehla kwe-ejection fraction (HFrEF) hlangana nabantu be-sub-Saharan Africa.
Uthi: “Nasingarhona ukuhlathulula kuhle amatshwayo weengulani zethu, singarhona ukubona izinto eziqakathekileko ekubikezelweni nasekwelapheni endaweni yakwethu.”
Okutholakeleko kutjengisa bona abantu beSewulaAfrikha bangathoma i-HFrEF ne-AF basesebancani kunalokho okuvame ukubikwa eenarheni ezinomnotho ophezulu.
Isifundo esaqedwa ngo-2025 sathola bonyana isiguli sinye kilezi ezihlanu ezine-HFrEF sibuye sibe ne-AF.
Labo bantu batholakele baneenkinga eziphezulu zengozi, izinga lepilo eliphasi, nesphetho esimbi khulu.
UDr Mboweni-Kondlo uhlathulule wathi i-HFrEF ne-AF zondlisana ubungozi:
“Ihliziyo ebuthakathaka nenande ithambekele ekutholeni i-AF, kuthi isigqi esirhabako namkha esingakahleleki sinciphise amandla wokupompa kwayo.”
Irhubhululo labuya lathola bonyana nomlando we-stroke uvamile ebantwini abanazo zombili izimo.
Irhubhululo lingandelele indima ye-hypertension, diabetes, obesity, nokungafinyeleli kuhle kwezempilo.
Uthi ukugula lokho nakutholakala sekwephuzile, kungonakalisa ihliziyo, iziso, ubucopho nemithambo yegazi.
Isinyathelo esilandelako kufaka iimfundo ezikulu zeendawo ezinengi eSewula Afrikha, ukwandisa ukunakekelwa okukhethekileko, kanye nokwandisa ukufinyelela emisebenzini efana ne-catheter ablation—okwanje yenziwa kancani eCharlotte Maxeke Johannesburg Academic Hospital neChris Hani Baragwanath Academic Hospital.
