I- cancel culture ilandela ozifake emlilweni

Umvumi we Amapiano, uzifake edakeni ngo mbono wakhe wehlobo lo mfazi akhamba nalo emjolweni.

U Scotts Maphuma ukwatise abalandeli eenkundleni zokuthintana nakaveza bonyana uzithandela abantu beengubo abamhlophe ingasi abanzima ngokombala.

Umvumi we ngoma edume khulu i Yebo Lapho wabelane ngombono osuka komunye umuntu ekhasini lakhe le Instagram.

Umbono lo uveza bonyana ubhederisa ukuthandana nabafazi bombala omunye kunewakhe.

Ngokuya ngombiko we Briefly News, u Scotts Maphuma wabele abalandeli bakhe umtlolo othi, “Unyaka lo asijoleni nabantu abamhlophe.

Abantu abanzima bazitjela ukuthi bahlakaniphile.

“Umbono wakhe onganahlonipho ubase umlilo eenkundleni zokuthintana.

Nanoma umtlolo lo awufake ekhasini lakhe le Instagram kungasi ngewakhe, kodwana into nje yokuthi wabelane ngawo kabutjha ithuse abalandeli bakhe.

Lokhu akusilo ihlandla lokuthoma u Scotts Maphuma azifaka emlilweni ngemibono yakhe kanye nangengemegeme zakhe.