Kunuka ukutjha esthenjini sakaMpumelelo Mseleku

Kubonakala kuneekinga endabeni zethando phakathi kukaMpumelelo Mseleku kanye nabomama labentwana bakhe, uAmahle Biyela kanye noTirelo Kale.

Abantu abanengi eenkundleni zokuthintana banemibono ngalokhu, kanti abalandeli bakholelwa bonyana kunuka ikhondlo.

Abantu baqale lokhu okuvezwe bafazi laba ababili uAmahle noTirelo, bafika esiphethweni sokuthi baneenkinga esithenjini sabo.

Umtlolo kaTirelo Kale ekhasini lakhe le-Instagram: “Lol, ngesinye isikhathi uzitjela ukuthi uragele phambili kukho koke umuntu akwenze khona. Kodwana iqiniso lithi, ufunde ukuphila nobuhlungu kunokuthi uhlale ebuhlungwini lobo ngoba ipilo kumele iragele phambili.

“Bese ngelinye ilanga, kulapho ulemuka khona bonyana isilonda sisesekhona begodu asakapholi.

“Ukuphola akusikukwenza ngathi akhange kwenzeka, kukufika endaweni lapho ungasezwa ubuhlungu nawukhumbulako.”

Ngakwelinye ihlangothi, uBiyela wabaselela iindaba zokuhlukana kwakhe noMpumelelo Mseleku ngevidiyo ayenzileko ekhasini lakhe le-Tiktok.

Lapho athi ufisa ngathani bekayindoda bese angene eengubeni nabafazi abanengi bese akubize ngesthembu lokho, nakaqeda lapho angabanikeza nemali.

https://vt.tiktok.com/ZSXo2Sp8N/

Ngesikhathi kukhitjhwa i-trailer ye Izingane Zes’thembu, uKale bekamomotheka kodwana uBiyela waveza ukungathabi ebusweni begodu angafuni ukubamba isandla sakaMseleku.

UKale yena akhange aveze isimo sobudlelwano bakhe noMpumelelo Mseleku ngaleso isikhathi.