Sekuvele isgaxa esitjha ngeenthandani ze country

Abalandeli behlelo i Uthando Nes’thembu sele bakhomba okutjha okumangazako ngo Mpumelelo Mseleku kanye no Amahle Biyela.

Nje, sele bazibuza bonyana ngabe kwaba nomntwana na namkha aowa.Umlandeli we hlelo leli ususe umbuzo lo ku X (ebegade ibizwa nge Twitter ngaphambilini).

Lokho ukwenze ngombana ubaba ka Mpumelelo, ekungu Musa Mseleku uvamile ukufaka abezukulu bakhe eenkundleni zokuthintana.

Abalandeli be Uthando Nes’thembu kanye ne Izingane Zesthembu bahlukene ngemibono.

Abanye bathi ukhona kanti abanye basola kobana umntwana wabo bayamfihla, uzakuvezwa uskhathi nasifikako.

Ngo Ntlolanja 2026, u Musa Khawula obika ku X, ngeendaba zomkhakha wa kumabonakude waveza bonyana laba ababili baqeda ukwamukela umntwana wabo.

U Khawula waveza godu bonyana umntwana wabo bamtholela esibhedlela saka Rhulumende, i Addington Hospital.

Imibuzo ngokuba khona ko mntwana kuvele ngemva kokobana abalandeli behlelo basole bonyana ubudlelwano babo buphelile.