U DJ nomvumi u Murdah Bongz ugidinga iminyaka eyi-39

U DJ nomvumi u Murdah Bongz uhlanganise iminyana ematjhumi amathathu nathoba (39) ngokukhulu ukuthula. 

Umvumi we ‘Mohigan Sun’ ugidinge ilanga lakhe lamabeletho ngo Losibili, 9 Mngwengweni 2026, nabantu abathandako.

Ngemva kokujamelana neenkulumo ezinengi eenkundleni zokuthintana, eenyangeni ezidlulileko, umvumi lo odumileko ugqine wathola ithuba elihle lokuthola ukuthula.

U Murdah Bongz ugidinge ilanga lamabethelo lakhe nomkakhe u DJ Zinhle, umntwana wabo u Asante, nabanye abathandako. 

Ama-comments aveze bonyana uLynn Forbes, unina womvumi we rap u AKA, owabhubhako (ongubaba le zibulo la ka DJ Zinhle), naye bekakhona.

Ividiyo esabalaliswe ekhasini le Instagram ka DJ Zinhle inikeze abalandeli bakhe isthombe sepilo yabo yangasese.

Ikhombise isidlo sabo sedina, ekumbeni leli lokudla bekukhanyiswe ngama khandlela.

U Asante wahlala phezu kweenyawo zikayise ngothando, akhombisa ubudlelwano obuqinileko baka baba nontwana wakhe womntazana.