UDladla Mshunqisi uphuma ku-Afrotainment kaDj Tira

Umvumi wengoma ze-Gqom uDladla Mshunqisi uqinisekise ukuphuma kwakhe ku-Afrotainment ka-DJ Tira.

Lokhu kwenzeka njengoba alungiselela ukuvula i-record label yakhe ezijameleko.

Itjhuguluko leli libalulekile kumvumi wengoma ye-Omunye odume khulu nge-Gqom eKwaZulu-Natal, osebenze iminyaka elitjhumi ku-Gqom.

UDladla Mshunqisi ibizo lakhe lamambala nguAnele Dladla.

Ukhulume ngendaba le ephephandabeni elitlolwe ngesiZulu, mayelana nangendlela umsebenzi wakhe okhamba ngayo. 

Uqinisekisile nokuthi akasasebenzi ngaphasi kwe-Afrotainment begodu nesaziso esisemthethweni mayelana nebhizinisi lakhe elitja, i-Mshunqo Records, sisendleleni.

Nanoma uDladla Mshunqisi aphuma ngaphasi kwe-Afrotainment eyabumba umvumo wakhe emkhakheni lo, kodwana uvezile bonyana akunalitho elimbi phakathi kwakhe no DJ Tira.

“Kulungile ngehlangothini lami, begodu ngiyamuhlonipha. Mumuntu engingathi udlale indima ekulu ekungisizeni bonyana ngikhule emkhakheni lo.

Ngingatjho ngithi ayikho into embi, kodwana sengikhulile, kungebanga ngitjho bonyana sekusikhathi,” waveza.