Ubiza ukubuyiswa kukaDr Aaron Motsoaledi, uNgqongqotjhe wezaNgekhaya waphambilini

Umholi we-March and March uJacinta Ngobese-Zuma uqalise ikulumo kuMengameli uCyril Ramaphosa ngokubuyiswa kukaNgqongqotjhe wezaNgekhaya waphambilini.

UNgobese-Zuma ukhulume noMengameli uCyril Ramaphosa ngesibawo sokubuyiswa kukaDr Aaron Motsoaledi kuMnyango wezaNgekhaya.

Lokhu kuvuselele ipikiswano eragela phambili enarheni mayelana nokungena kwamaphandle eSewula Afrikha ngokungemthetho, ngomhlaka 22 Velabahlinze 2026.

Umholi olwa nokungena kwamaphandle ngokungemthetho enarheni ubawe godu bonyana uMengameli afake uDr Aaron Motsoaledi eskhundleni sikaNgqongqotjhe wezaNgekhaya uLeon Schreiber.

FUNDA NALOKHU: https://ilangabinews.co.za/ilanga-lokuvalwa-kweminyango-yamabhizini-wamaphandle-liveziwe/

Bese uLeon Schreiber yena amfake njengoNgqonqotjhe woMnyango wezePilo.

UNgobese-Zuma uveze wathi obegade anguNgqongqoshe wezaNgekhaya uDr Aaron Motsoaledi ngabe sekenze ihlelo elizinzileko lokuqalana negandeleleko yokungena kwamaphandle anganamaphepha eSewula Afrikha.

Wakhomba uMongameli uCyril Ramaphosa ngomuno, ngokungalaleli izakhamuzi zeSewula Afrikha ezinganamali namkha amabhizinisi.

Glossary:

Department of Home Affairs- Umnyango wezaNgekhaya

Minister of Home Affairs- Ungqongqotjhe woMnyango wezaNgekhaya

July-Velabahlinze