U Majola uthola ithuba ku TV ngendlela ehlukileko

U Linda Majola uveze ekhasini lakhe le Instagram bonyana uthole umsebenzi wokwenza ukudla kumabonakude.

U Majola uveze ngomhlaka 10 Mngwengweni bonyana uzokusebenza nesqhema se HotDogsByNoxolo lapho khona bazokuphekela ama ‘TV Productions’.

Ngonyaka ka 2021, u Majola wathola iskhundla sokuba mlingisi ngemva kokobana aziwe khulu ngokwenza ama vidiyo wakhe wamahlaya, eenkundleni zokuthintana.

Nje, ubuyela kumabonakude ngendlela enye godu elethwe kukwenza izinto azithandako.

U Majola, obegade amlingisi emdlalweni we The Wife uthi ubambisene nomnganakhe onama rhwebo, u Noxolo Mathula.

U Mathula owasungula irhwebo lokwenza ukudla ubuya godu abemlingisi we Uzalo ku SABC 1. Begodu mvanje, uvele emdlalweni we The Polygamist.

‘Ngikhumbula ubamkhulu nakathi na une zandla ezimbili, ngeke wavuka ulambile,” kwatjho u Majola aqala emuva ekhambeni lakhe.