Abentwana abayi-296 beminyaka eyi-10 ukufika ku-14 bazithwele e WC

sfunda se-Western Cape sibale ukuzithwala kwabantwana abayi-296 abaneminyaka eyi-10 ukufika ku-14 ngonyaka wemmali u 2024/2025.

Isibalo lesi siveze ukutshwenyeka kwabantu ngokuphepha nangokuhlala kuhle kwabentwana esfundeni lesi.

Umkhulumeli we DA wezeHlala Kuhle, esfundeni se Western Cape, u Wendy Kaizer-Philander uthi isibalo lesi sitjengisa ubugebengu obukhulu obenziwa ebantwaneni.

U Kaizer-Philander uthi nangabe umntwana oneminyaka ematjhumi azithwele, lapho akukho ukungazwisisakali.

Uthi lokhu kubabufakazi bokukatwa, nokukwatwa kwabentwana abangaphaso kweminyaka.

FUNDA NALOKHU: https://ilangabinews.co.za/amaphandle-abuyiselwa-eenarheni-zabo-athi-abakhambi-e-sa-unomphela/

Wabuya wathi amaqala anje kumele abikwe e-SAPS ukwenzela bonyana akwazi ukuphenywa ngokurhaba njengomyalo womthetho.

Iimbalo lezi zandisa ukutshwenyeka ngokuzithwala kwelutjha esfundeni se-Western Cape.

Ependulweni ye Palamende ngo Sihlabantangana 2025, uMnyango wezePilo ubike bonyana kwabelethwa abentwana abayi-9,938.

Kutholakale bonyana abentwana abaneminyaka eyi-11 kuya ku-19 ngibo ababeletha abentwana abayi-9,938 ngonyaka wezemmali ka-2023/24.

UMnyango wezePilo ubuye wabala ukukhuphuka kokubeletha kwelutjha nga-26,66% eminyakeni emithathu edluleko.