U MaYeni akayijabuleli indaba yokubiza u Mseleku ngo “Jonasi”

U Nokukhanya “MaYeni” Mseleku akayijabuleli indaba yokuthi indoda yakhe ibizwa ngo Jonasi Gomora.

U MaYeni wenze i-TikTok Live wakhuluma ngemibono yabantu bemilomo emide.

Ku-TikTok Live, u MaYeni, ongumfazi wesibili ka Musa Mseleku utjele abantu bonyana u Mseleku akusuye u Jonasi Gomora.

Ukhulume godu bonyana abantu abaqaphele izinto ebazikhulumako eenkundleni zokuthintana.

“Ngibawa ningafanisi ubaba wakwami no Jonasi. Mhlawumbe lokhu nikubona kini.Ngihlezi la emzini wakwa Mseleku.

Kodwana, u Mthombeni uyawabona ama ‘comments’ wenu,” watjho aphendula ababukeli be Tiktok Live yakhe.

Abantu eenkundleni zokuthintana bafanise u MaYeni nendima ka Essie emdlalweni we The Polygamist.

Emdlalweni lo, u Essie sithandwa saka Jonasi sokuthoma, owamrhelebha ngemfundo zakhe ze Yunivesithi. Kodwana bahlukana ngebanga leendaba zomndeni.

Uthe nakabuyela kuye, babuya balungisa izinto begodu baragela phambili. U MaYeni naye bekumele abemfazi wokuthoma ka Mseleku, kodwana wavuma bonyana kube neentjhijilo ezinengi ekhambeni labo.

FUNDA NALOKHU: https://ilangabinews.co.za/the-polygamist-u-macele-uvikela-u-jonasi/

Ku Uthando Nes’thembu Season 9, u Mseleku waveza bonyana uMaYeni bekumele kube mfazi wakhe wokuthoma kodwana ubaba ka MaYeni wala ilobolo.