U Molemo “Jub Jub” Maarohanye uphume ngebheyili ye R5,000

Ikhotho ye Gauteng High Court inikeze u Molemo “Jub Jub” Maarohanye ibheyili ye R5,000 ngo Losibili, ngomhlaka 16 Mngwengweni 2026.

U Jub Jub, oneminyaka eyi-45 uphume ngebheyili ngemva kokobana i Gauteng High Court e Johannesburg imnikeze isibawo esirhabileko ngebangelo yokuriyada ukuvela eKhotho kokuthoma.

Umthuli we hlelo le Uyajola 9/9 ku Moja Love ubotjhwe ngemva kokuhlasela umtjhayeli we-Uber, e Edenvale.

Iqala lakhe lihlehliselwe ngo Mvulo, ngomhlaka 22 Mngwengweni 2026 e Germiston Magistrate’s Court.

I-NPA itjhwile bonyana iqala lika Molemo “Jub Jub” Maarohanye, ebegade libonakala linzima ebantwini, lingani.

U Jub Jub uthweswa ngeqala lokukhombana ngento engenza umuntu akholwe bonyana sigidi.

FUNDA NALOKHU: https://ilangabinews.co.za/u-jub-jub-ubotjhelwa-ukuhlasela-umtjhayeli-we-uber/

Ngokuya ngama-prosecutors, amapholisa aphendle ekhayeni lomvumi we “Ndikhokhele” ngemva kwesehlakalo lesi.

Kulapho khona kutholakelr begodu kwathathwa i ‘pellet gun’ ngaphambi kokobana bambophe.

I-IOL ibike bonyana isibawo esirhabako e High Court senzwe siqhema saka Jub Jub sezomthetho.

Lokhu kwenzeke ngemva kokubilayela ngokuriyada kokuvela kwakhe e Germiston Magistrate’s Court ngo Mvulo.