U Mpho Maboi uphendula i-quote yamanga efaka I ‘ex-husband’ phakathi

UMpho Maboi uphendule ekhasini lakhe le-X emva kokobana abantu basabalalise i-quote yamanga.

I-quote leyo, ehlanganiswa nendoda yakhe yangaphambili, uReneilwe “Yeye” Letsholonyane, isabalaliswe ku ma blogs.

I-quote le evelileko ngo mdlali we Bafana Banafa ne Kaizer Chiefs, kuma-blogs ithi, “Umfazi wami wangitjhiya emva kokobana inkontraga yami ne Kaizer Chiefs iphele.

Angekhe ngisaqala abafazi nge lihlo ebegade ngibabona ngalo ngebanga lobuhlungu engabuzwako.”

U Maboi uphendule wathi akhange khe abone abantu abanengi abafisa bonyana angabi nalitho kangaka.

“I-post le ithi ‘Tjela mina bonyana awazi litho ngami ngaphandle kokutjho’. Ngiyathemba bonyana uzokuthola imali enengi ku Elon nge post le,” kwatjho u Mpho Maboi aphendula isthombe se-quote ku X.

U Mpho Maboi ulandule godu iinsolo zokuthi ubegade azisame ngo Letsholonyane kwezemali.

Kodwana akhange afune ukukhuluma iqiniso lakhe wathi abantu abakholwe abakukholwako.

U Maboi odume khulu kumabonakude, kanye no Letsholonyane owadla ku 2010 FIFA World Cup batjhada umtjhado we sintu ngo 2018.Ngo 2021 laba ababili bafaka bafaka isehlukaniso.