Ukuduma kwaka Bravo B kutjhugulule ubudlelwano ne baby mama

Ipumelelo ka Lindokuhle “Bravo B” Nsele ibe nemiphumela engakalindeleki epilweni yakhe.

Intombi yakhe yaphambilini, u Nhlanzeko Nxumalo uveze ukuthi ukuduma kwakhe kwatjhugulula yoke into. 

Uthi bahlangana ngo 2022, bese kwathi eminyakeni emibili elandelako, wazithwala umntwana wabo womsana.

Lokhu kwenzeka mhlazana u Bravo B alungiselela ukungena ku Big Brother Mzansi. 

Nanoma abahlali be Big Brother Mzansi bebangavunyelwa ukubamba abo malil’edinini babo, kodwana yena bekakwazi ukwazisa u Bravo B ngomntwana wabo.

Kodwana ngemva kokukhitjhwa kwakhe  kokuthoma ku Big Brother, uNhlanzeko wathi ubudlelwano babo akhange busalunga. 

Uthi u Bravo B akhange asayidlala indima yokuba ngubaba kanye nomuntu wakhe.

FUNDA NALOKHU: https://ilangabinews.co.za/isdumbu-somvumi-we-barcadi-sitholakala-ngaphakathi-kwe-dustbin/

“Ngazithwala ngo January, begodu ngabeletha ngo September, kodwana angikhumbuli angithumela imali yokuya emtholapilo, imali yezinto engizirhaleleko, imali yama-scans.

Kuthe ngazithwala, akhange kusakhamba kuhle ngemva kwalokho.

Besingazwani, ngaqabanga bonyana ngizithwale umntwana womsana,” kwatjho u Nhlanzeko emqoqiswaneni wakhe no Lungelo KM ku Youtube. 

Okhunye akuvezileko kukobana nanyana umndeni ka Bravi B uthembise ukumeseka, kodwana akhange kusenzeka ngemva kokuthola umntwana.