U Pablo Venz we-Nigeria uphika iinsolo zokuzwana no Flora Mthimkhulu

U somarhwebo obuya enarheni ye-Nigeria, u Pablo Venz uphike iinsolo zokuzwana nomfazi ka Ngizwe Mchunu, u Flora Mthimkhulu.

U Flora Mthimkhulu “Floda Graé”, owaqinisekisa isehlukaniso sakhe no Ngizwe Mchunu uzithole agqwele eenkundleni zokuthintana ngomhlaka 20 Mngwengweni 2026.

Lokhu kuze ngemva kokuvela kwama hem-hem wokuthi uthandana no somarhwebo ohlala e-Cape Town u Pablo Venz.

I SA Gossiplab isabalalise I vidiyo eveza u Mthimkhulu aku ‘house party’ e Cape Town ku X (Twitter), ngo Losine ngomhlaka 18 Mngwengweni 2026.

Ividiyo le ibange ipikiswano eenkundleni zokuthintana kodwana u somarhwebo u Pablo Venz walandula ukubandakanyeka no Mthimkhulu ngezothando, wathi iinsolo lezi akusilo iqiniso.

FUNDA NALOKHU: https://ilangabinews.co.za/angidlali-ngezitho-zamiu-phongolo-ulwa-nama-hem-hem-ka-chris-excel/

Ngo Mgqibelo, u @sanelenkosii otlola ngeendaba zabosaziwako ku X uveze i-‘screenshot’ esivela ku Pablo Venz lapho khona bekalandula iinsolo zokuthandana no Mthimkhulu.

“Yekelani ukusabalalisa iindaba zamanga. Angimazi umfazi lo, weenthombe ezibekwe eduze kweenthombe zami kumabhulogu.

Bekuyi “birthday party” begodu woke umuntu weza yedwa.

Bekunamadoda angaphezu kwamatjhumi amathathu khona lapho, kodwana abantu bakhetha ukwenza indaba yamanga ukuthi ubegade anami.

Ngoba ngimi odumileko, ofanelwa yindaba le😂.Asiliseni iindaba zamanga, sihloniphe iqiniso,” watlola ekhasini lakhe le-Instagram.