U Thato Immaculate uveze iinzathu zokufaka isehlukaniso

Ngomhlaka 7 Mngwengweni 2026, u Thato Immaculate uveze I vidiyo ku Youtube akhuluma ngesizathu sokutjhiya umtjhado wakhe no Gash1.

I vidiyo ede le ikhuluma nangokuthi kungani u Thato Immaculate alandule imizamo ka Gash1 bonyana babuyelane.

Ikanyezana ye Big Brother Mzansi u Thato Immaculate Mokoena, uvule isfuba ngepilo yakhe ngemva kwesehlukaniso.

Ukhulume nangokwenzekileko ebegade kungasi se mehlweni wabantu, ngaphambili nangemva kokobana umtjhado wakhe no Gash1 uphele.

Lokhu kwathusa abantu ngaphambilini, nakazakwazisa bonyana bayahlukana ngemva kweminyaka epheze ibe mithathu emtjhadweni. 

U Thato Immaculate uthi umtjhado wabo uphele ngombana u Gash1 umbawe bonyana azehlise entweni ebegade azitjele ngokuthi ngeke azehlise kuyo.

Uthi umtjhado wabo ufike lapho ongasalungiseki ngemva kweenyanga ezimbili aphumile ku Metro FM.

Ngemva kwelanga linye aqeda ukusabalalisa iindaba zabo zesehlukaniso, u Gash1 kanye nomndeni wakhe bazama ukukhulumisana naye kodwana akhange atjhugulule isiqunto sakhe.

U Thato Immaculate akhange akwazi ukungena eendabeni abalandeli abafuna ukuzizwa.

Kodwana ukwazile ukupha abantu isithombe sesizathu sokuphuka komtjhado wabo.