U “Quinton Nyathi” ubuya njani ku eTV Scandal afile?

Umlingisi odumileko u Brighton Ngoma uyabuya emdlalweni osuliweko wa ku mabonakude ku eTV.

U Ngoma waziwa khulu babukeli ngokudlala indima ka Quinton Nyathi emdlalweni we Scandal.

Ababukeli be hlelo leli baphawulile ngalokhu ngomhlaka 4 Mngwengweni 2026.

Umlingisi lo ovele emaphephandabeni ngepi yakhe ne ‘Vitiligo’ ubuya kancani nje ngo somarhwebo u Quinton Nyathi emdlalweni lo.

Okhuluma ngeendaba za kumabonakude u Mlu uqinisekisile, ngokuya kwe Briefly News, ekhasini lakhe ku X bonyana u Brighton Ngoma uzokuvela kancani emdlalweni lo.

“U Brighton Ngoma uyabuya ku Scandal! Othandwa babukeli u Quinton Nyathi uzokuvela kancani ku #eTVScandal nje ngoba kuthoma ukubalwa ukufika kwesicephu sokugqina se ‘drama series’,” watlola.

Abalandeli baphawule ngokuvela ko mlingisi u Brighton Ngoma ku Scandal.”Ngifuna ukubona bonyana bazowuvala njani umdlalo lo.

Bengiwubukele namhlanje, kodwana bekubonakala nje ngemihleni, ngathi ihlelo leli alikapheliswa,” kwatlola u @emkayreloaded.

Omunye wabuza wathi njani manje ngombana u Quinton wafa.