U Sizwe uphika iinsolo zaka Unathi Nkayi

U Sizwe Dhlomo uphendule u Unathi Nkayi  okhulume ngeensolo zakhe ku Instagram ngemva kokubuya kuka Thomas Msengana ku Kaya 959.

Lokhu kuze ngemva kokobana u Unathi akhulume ngokwenzekako ku mrhatjho lo ngaphambilini.

Nanokuthi ufake negama laka Dhlomo phakathi.

U Unathi uthe nakagidinga ukubuyiselwa kuka Msengana, obegade atjhade naye begodu ongubaba wabentwana bakhe ababili, wafaka neensolo hlangana, ezifaka no Dhlomo phakathi.

U Thomas Msengana, uthethe iskhundla saka Sizwe Dhlomo okweskhatjhana, ehlelweni lo mrhatjho we Kaya 959 kusuka ngo 06:00 ukufika ngo 09:00 ekuseni phakathi kweveke.

Ngemva kwesaziso sokobana u Msengana uzokubambela u Dhlomo iskhundla okweskhatjhana, u Unathi akhange akwazi ukuzibamba nge njabulo

U Unathi uthe umrhatjho lo ungaphasi kwabaphathi abatjha. 

Wasolela bonyana bakade, bakhipha u Msengana ukulaya umndeni wabo begodu babeka u Dhlomo endaweni ka Msengana.

Abalandeli eenkundleni zokuthintana bathande ngendlela u Sizwe Dhlomo aziphendulele ngakhona ku Unathi ngalokho akukhulumileko.

Ngemva kokobana abalandeli bathathe lokhu u Unathi akutlolileko ku Instagram bakufake ku X (ebekuyi Twitter phambili) u Dhlomo waphendula.

U Dhlomo uhlathulule bonyana akhange athathe iskhundla saka Msengana, kodwana iskhundla leso sathathwa ngu Dineo Ranaka.

“Amanga godu. Akhange be ngingene ehlelweni leli ngemva kuka Thomas. Ngu Dineo,” kwatjho u Sizwe Dhlomo.