Kusalilwa ngokubuyiselwa komrjatjho Ikwekwezi FM eJwanisbhege

Ngonyaka ka-2021, ihlangana yezokurhatjha i-SABC yathatha isiqunto sokubusela umrhatjho wayo wesiNdebele, Ikwekwezi FM, emzimkhulu wayo e-Auckland Park. 

 Lokhu kweza ngemva kweminyaka elisumi nakhomba umrtjhatjho lo wasuswa kilendawo walethwa e-Pitori. 

Lokhu kukghabhudlha inengi lamaNdebele ngombana bafuna umrhatjho ube seduze nabalaleli bayo njengeminye imirhatjho erhatjha ngamalimi wesintu engaphasi kwe-SABC. 

 Inengi lamaNdebele lihlala esifundeni seMpumalanga, khulukhulu eendaweni ezifaka hlangana i-KwaMhlanga, i-Kwaggafontein, i-Siyabuswa namaphethelo — ezaziwa ngokuthi yi-KwaNdebele. Kodwana inengi lawo likude nomrhatjho. 

 I-SABC yabuyisela umrhatjho wesiNdebele e-Auckland Park ngesizathu sokobana yonga iinkulungwana ezimakhulu asithandathu zamaranda ngenyanga eendlekweni. 

 Kodwana umtjhotjhozeli wesiNdebele uThando Mahlangu ulila ngokuthi kubayini kukhethwe umrtjhatjho lo wodwa kuliswe eminye begodu uhlongoza bona umrhatjho ube sendaweni yaKwaMhlanga — ekumzomkhulu waKwaNdebele. 

Waraga wathi eminye imirhatjho erhatjha ngelimi lesintu iseemfundeni la kugcwele khona abalaleli babo. 

 Indlu yobukhosi yamaNdebele inghangha ngokuthi ihlangana yokurhatjha akhange ibonisane nabo ngaphambi kobana ithathe isiqunto lesi. 

Ikwekwezi FM ngiwo wodwa umrhatjho we-SABC ongasi sesifundeni la kugcwele khona abalaleli baso. 

UNGAFUNDA NALOKHU: Kugidingwa ubukghwari bukaDorhodere u-Esther Mahlangu

Lokhu kwenza bona kubonakale ngathi amaNdebele ayanyazwa begodu neenlilo zabo azithathelwa phezulu.