U Thembinkosi Mthembu sele alingisa ku The Four of Us

Ngemva kokuphuma emdlalweni we Homecoming, u Thembinkosi Mthembu sele alingisa komunye umdlalo waku-eTV omutjha, i The Four of Us.

Emdlalweni lo, u Mthembu ulingisa kanye no Sdumo Mtshali, Sindi Dlathu, Rami Chuene kanye nabanye abathandiwako emkhakheni wokulingisa.

U Mthembu uveze ukujabula kwakhe emqoqiswaneni ne News24, “kunabalingisi abanengi abangakwazi ukuthola imisebenzi. Akukho okukhethekileko ngami.

Ngekhe ngitjho bonyana ngincono kunabo. Ngiqabanga bonyana kungomusa nje.” Uqinisekise abalandeli bonyana umdlalo we The Four Of Us angeke ubadanise.

“Nginesiqiniseko bonyana ababukeli bazoyithabela begodu baseke umdlalo lo. Ngekhe ngikhulume okunengi ngawo nje, kodwana ngingabathembisa bonyana i-dramatic”.

Indima ka Mthembu emdlalweni lo ebizwa ngokuthi ngu Banzi Dhlomo ihlathululwe yi eTV ngokuthi yi “peace maker”.

FUNDA NALOKHU: https://ilangabinews.co.za/iqiniso-elibuhlungu-liyavela-ngomlingisi-we-homecoming/

Ku Homecoming, bekalingisa indima ka Sifiso, indoda yesthembu osebenze njengepholisa ne Sangoma.

“Nanoma isigaba saka Sifiso sifika emaphethelweni, ngikhamba ngehliziyo egqwele ukuthokoza nokujabula ngalokho okuzako.

Ngiyathokoza ngethando nokwesekwa, begodu ngilindele ukwabelana nani ngeendaba ezinengi esikhathini esizako.”