Ubungani bakhe no Dr Khehlelezi bumotjhe izinto

U Thinah Zungu ongumvumi we-Gospel bekangazi bonyana ukuvela kanye nenyanga ehlelelweni lakhe kuzotjhugula izinto epilweni yakhe.

U Zungu obegade avela ehlelweni eliveza ipilo yakhe yamambala  le ‘Thinah SingoZungu’ ku Mzansi Magic, ulila ngokuthi ihlelo leli limotjhe ipilo yakhe.

Ku Season 1, uThinah Zungu wavuma bonyana u Dr Khehlelezi, oyinyanga yesintu ngu mngani wakhe.

Isiqephu leso avuma kiso savela eenkundleni zokuthintana, enyakeni ka 2025 ngenyanga ka Ntlolanja.

Isiqephu lesi siveza omunye umfundisi abuza uDr Khehlelezi bonyana uyini. 

U Dr Khehlelezi waphendula ngokuthi mfundisi begodu yinyanga. 

Kulapho umfundisi azokusuka etafuleni ngelokuthi akahlali neenyanga.

Abantu baveza amazizo wabo ahlukahlukeneko kulesi isiqephu abanye bathi umfundi lo uhlulela uDr Khehlezi, abanye bathi u Zungu uzifaka emanzini abilako.

Omunye wathi uqabanga bonyana u Thinah Zungu udiniwe kuku zifihla, uziveza ubuyena nge hlelo leli. 

Uthe ungumvumi we Gospel kodwana akakhonzi uZimu.

Godu omunye wathi uZungu wenze iphutha nge hlelo leli, wathi iye lizomunikeza imali kodwana liyomtjhiya angasenaso isthunzi.

Lokho ukuvumile ku Daily Sun bonyana  kumdosele amehlo wabantu bebandla lakhe kanye nakubo abantu abangakholelwa kuzinto zesintu.

Nangaphandle kwalokho, kodwana uthi kwenze ipilo yakhe yabanzima khulu.

U Zungu uthi kulapho isonto lamkhiphela ngaphandle begodu nomsebenza wakhe wokuvuma eendaweni ezihluka hlukeneko nawo wajama.

Umvumi oneminyaka ematjhumi amathathu nakhomba uthi lokho kwabangelwa naziinsolo zokuthi kutjho ukuthi naye usebenzisa iinhlanhla zesintu.

Utjele i Daily Sun bonyana beku kokuthoma angabizwa eendaweni bonyana azokwenza adume ngako, ukuvuma, nge pelaveke ye ‘Easter’.

U Thinah Zungu uthi ihlelo la kumabonakude eliveza ipilo yakhe yamambala i ‘Thinah SingoZungu’ ngeke libuye godu nge Season 2.