UCici ungene esigabeni esitja ngokuzithwala

Umvumi weSewula Afrikha uBusisiwe Thwala, owaziwa khulu ngegama lakaCici, utjhiye abantu abanengi bamangele ngemva kokwabelana ngeendaba zokuthi ulindele umntwana.

Isimemezelo lesi siphume ekhasini lakhe eenkundleni zokuthintana, lapha aveze khona umuzwa omkhulu wokuthaba nethando ngesigaba esitjha sepilo yakhe.

Esikhundleni sokuthi uzithwele kwaphela, uCici unitlole umlayezo othinta iinhliziyo ngomntwana asamlindeleko.

Uthe: “Uthandwe singakahlangani, sathandaza ngawe singakakwazi, begodu uqakatheke ngaphezu kwamagama.”

Amagama la aveze kuhle bona umntwana lo sele anendawo eqakathekileko ehlizweni yakhe.

Abalandeli bakhe baphendule msinya, bamkhuthaza begodu bamufisela okuhle ngesibusiso lesi.

I-post yakhe yamukelwe kamnandi, kwabonakala ukuthokoza okuvela kubantu abanengi abamesekako emsebenzini nepilweni yakhe yangasese.

Abantu abadumileko nabo bangenelele ekuthokoziseni uCici. Umvumi nomuntu wemidiya uLiyema Pantsi uthe, “Halala, mama.”

Bese umlingisi uShonisani Masutha watlola wathi, “Halala khulu kuwe, muhle.” 

UCici akathomi ukuba ngumma; unezibulo lakhe uDialo, alamukela ngonyaka ka-2020.

Nje-ke, ukuzithwala kwakhe okutjha kutjengisa esinye isigaba esikhulu ekhambeni lakhe njengomma nomvumi.