UNtando Rambani uveze ubuhlungu bamezwi kagogo

UNtando Rambani, ongumlingisi begodu sele angumbhali, uvule ihliziyo ngelwazi elibuhlungu aliphila asesemncani.

Ekuhlaleni kwakhe noNandi Madida kuMotherhood Network Book Club, ukhulume ngesihloko sencwadi yakhe ethi From One Mother to Another kanye nobuhlungu obamlandela isikhathi eside.

Isiqephu saleyo kulumo, esikhitjhwe ngomhlaka 6 Khukhulamungu 2026, sisabalale khulu eenkundleni zokuthintana.

Kileyo vidiyo, uNtando ukhumbule ibhudango lakhe ngokuvela ku-TV, aphefumulelwe nguHulisani Ravele ngombana bobabili banamabala afanako ebusweni.

Kodwana leyo nkumbulo yaphenduka isilonda ngesikhathi akhuluma ngamazwi awazwako emndenini.

FUNDA NALOKHU: https://ilangabinews.co.za/umnikezwa-ngubane-uthokoza-ukusinda-engozini-yekoloyi/

Uthe ugogo wakhe wamtjela bonyana amabala wakhe amenza angabimuhle.

Ngesikhathi alandisa, izinyembezi zehla, wathi: “Iye, ngitjelwe ngugogo wami mathupha.”

UNtando uhlathulule bonyana ukulila kwakhe akusikho ukusilingeka, kodwana kubuhlungu bokungasekelwa ngesikhathi adinga khona isekelo.

Uveze nomlayezo wethemba: ubuhlungu obadlulako bumenze wazi kuhle ukuthi umntwana udinga ukuthandwa, ukwamukelwa nokuvikelwa ngubani.

Wabuye wathi kuNandi: “Ngiyathaba ukuthi ngakuphila lokhu, sisi Nandi, ngombana indlela engingumma ngayo namhlanje ihluke khulu.”

Uthe umakhulu wakhe wamfundisa isifundo esikhulu esimayelana nendlela okungakafaneli uvele ngayo ekukhuliseni abantwana.