Udlula ephasini umvumi we-Maskandi uInkosi Yamagcokama

Umkhakha wezoMvumo eSewula Afrikha usale ulila ngemva kokudlula ephasini komvumi uSicebi Dlamini owaziwa njengoInkosi Yamagcokama.

Umvumi we-Maskandi udlule ephasini ngemva kokubandakanyeka engozini yekoloyi esfundeni saKwaZulu-Natali. 

Indaba le ithuse abalandeli kanye nabavumi be-Maskandi begodu babonise ukuthinteka khulu ngesehlakalo lesi.

Umndeni wakwaDlamini, i-Ivulandlela Holdings, kanye ne-Sicelu Collective MGMT bakhiphe isitatimende esisemthethweni ngoSondo, ngomhlaka 9 Rhoboyi 2026, baqinisekisa lokhu. 

Baveza esitatimendeni bonyana uInkosi Yamagcokama udlule ephasini endleleni ye-John Ross Highway eduze kweRichards Bay. 

Bekasendleleni eya ukuyokuvuma e-Basadi Let’s Dance Music Festival, ebeyibanjelwe e-Umhlathuze Sports Complex eRichards Bay.

Bekangakhambi yedwa, ilunga lesqhema sakhe uGumu “Gupta” Mchunu naye udlulile ephasini ngengozi yekoloyi emasikizi le.

Kulaba ababili abasindileko, munye wabo ulimele khulu kodwana usaphila, kanti omunye ulimele begodu usathola irhelebho esibhedlela. 

Iinhlelo zomngcwabo zizokwaziswa ngokukhamba kwamalanga.