UInnocentia Manchidi nomlingani wakhe bamukele umntwana wesibili

UInnocentia Manchidi nomlingani wakhe uMpho, bamukele umntwana wabo wesibili.

Umlingisi womdlalo owasulwako i-Muvhango ungene ekhasini lakhe le-Instagram wabelane ngendaba ezimnandi.

Uveze isithombe sakhe ngesikhathi esikhethekileko angaphakathi kwegumbi lokubeletha waveza nezinye iinthombe aphethe isana lakhe lomsana.

UInnocentia wakhumbula ukuthula ehlizweni kwakhe ngaphambi kokutjhingiswa egumbini lokuhlinzwa, nanokuthi indoda yakhe uMpho bekanevalo.

Kodwana ukubeletha kwakhe kwaba yinto ekhethekileko ngombana bobabili bebavuma iingoma zabo zokudumisa uZimu ngaphambi kokubelethwa komntwana wabo.

FUNDA NALOKHU: https://ilangabinews.co.za/uconnie-ferguson-ukhuluma-ngokuthi-wahlangana-njani-noshona/

“NginguMama weenngelozi ezimbili ezihle, lalela, nginendaba emnandi engifuna ukuyiqoqa ngoZimu lo, ‘ke nale bopaki’ [ngibonufakazi].

Ngisawothamele umthuzi wethabo ngesibusiso lesi, kodwana kholwani mina nangithi uZimu uyabuyisa. Uyabuyisa begodu akwenze uphelele godu,” kwatlola UInnocentia.

“Iminyaka ka-2023 no-2026 iveze kabanzi ubuhle nokuthembeka kukaZimu epilweni yethu ngabantwana laba. Ukukhulelwa okulula amahlandla amabili. Yini enye esingayibawa?”

Ngaphambilini, uInnocentia nomlingani wakhe bakhetha ukuthula ngesikhathi balindele ukwamukela umntwana wabo wokuthoma.