UIntabayasedubai ubuya nge-albhamu etjhisako

Umvumi wesfunda saKwazulu-Natal u-Intabayasedubai ukhiphe i-Albhamu ebizwa ngokuthi yi Aphile. 

I-albhamu yakhe itholakala kuzo zoke iinkundla ezikulu zokulalela umvumo.

Lokhu kutshwaya iminyaka ematjhumi kusukela ekuthomeni kwakhe ngo-2016, begodu ifika ngesikhathi umvumi athi abantu babuyisele ikholo lakhe kumvumo wakhe.

Igama le-albhamu linehlathululo ebalulekileko ehlizweni yakhe.

“Ngiyibize ngegama lomntwana wami womsana uAphile, ukumhlonipha nokumkhombisa ithando nokuthi ubaluleke kangangani kimi. Ngifuna ahlale akhumbula mihle.”

I-Albhamu le ihlanganise irhono elikhulako u-B.O, okhuliswa nguye uIntabayasedubai ngaphasi kwe-lebula yakhe i-“3 Point 7 Entertainment”. 

FUNDA NALOKHU: https://ilangabinews.co.za/usomizi-mhlongo-uveza-iqiniso-ngepumelelo-nokuba-nemali/

Umsebenzi wokukhiqiza i-albhamu yoke yenziwe mumuntu obegade asebenzisana naye, uDeeR.

Bese ubanengoma ethi Angimbonge Umdali, elalelwe amahlandla ayi- 1 million ku-Spotify. 

UNtabayasedubai ubone lokhu njengepumelelo ebizelweni lakhe lokuba ngumvumi.

“Ingoma le ngenye yalezo ezeza lula, akhange ngizitshwenye begodu ngiyicabange khulu. Ngezwa izwi lithi vuma, amezwi eza nje ngokwawo. Ngenye yeengoma ezisindisa ipilo yakho emva kokudlula ezintweni ezinengi.”

Utjhwile nokuthi ingoma le ibemsebenzi wakhe omuhle kuze kube kunamhlanje.