Ukupheliswa kwe-Isencane Lengane kube sibindi sokutjhiya umtjhado kuThando

UThando Dlamuka uveze iqiniso lakhe ebelingakalindeleki ngepilo yakhe ngesikhathi sesicetjhana sokuthoma se-Isencane Lengane ngoSondo, 2 Rhoboyi 2026.

UThando uveze bonyana ukupheliswa kwehlelo le-Mzansi Magic kube yinto etjhugulula ipilo yakhe, ngoba yamurhelebha bonyana aphume esimeni sokuhlukunyezwa yindoda yakhe, uSiyacela Dlamuka.

Laba ababili badume ngokutjhada basesebancani, begodu ubudlelwano babo baba yinto amaSewula Afrikha ayiphosela amehlo, kodwa ingasi ngeenzathu ezihle.

Lokhu kokuthi uSiyacela bekahlala adelela  uThando kanye nomndeni wakhe, kwenze ababukeli banamathela kuma-screen wabo, kodwana ngasikhathi sinye kubuye kubarhabhudle. 

Abantu abanengi akhange bayivale imilomo, bakhuluma ngakho koke lokho.

Ukupheliswa kwehlelo le-Isencane Lengane  kwaba kuphumula kwakhe uThando. 

Uthi lokho kwamnikeza ithuba nesikhala sokuthi athome azikhiphe kusimo esiyingozi ebekaphila ngaphasi kwaso noSiyacela. 

FUNDA NALOKHU: https://ilangabinews.co.za/i-gagazi-fm-inyakazisa-umrhatjho-ngamatjhuguluko-amatjha/

Okutjho bonyana ipilo yakhe yangaphandle kwamakhamera beyinzima ngaphezu kwalokho amaSewula Afrikha bekakubona kumabonwakude.

Ehlangothini lakaSiyacela, kubonakala ngathi bekaphikisana nokupheliswa kwehlelo lelo.

Njengoba i-Isencane Lengane ibuyile, uSiyacela uphikisana nalabo abangayiboni kuhle indaba yehlelo leli ngokuthi inehloso.

Ngokutjho kwakhe, i-Isencane Lengane ibonisa ngendlela ukuthandana marerhe kungakhona, nanoma kungafili kuhle kubabukeli.