UMakhadzi ukugidinga iminyaka ema-30 ngokwakha umuzi

Umvumi uNdivhudzannyi Ralivhona odume ngelikaMakhadzi, ugidinge ukuhlanganisa iminyaka ema-30 ngomhlaka 30 Mngwengweni 2026.

Ugidinge ilanga lakhe lamabeletho ngokuthoma ukwakha indlu yakhe ekulu, ngemva kweminyaka eminengi afisa ukuphuma ekhaya lababelethi bakhe emakhaya.

UMakhadzi wabelane ngeenthombe zesiza sokwakha ku-Facebook. Uthe amalungiselelo wendlu uphethile ngawo begodu ukwakha sekuthomile.

Abanye abalandeli bakhe babuze bona kungani akha umuzi emakhaya lapho akhulele khona, kunokuthi akhe eendaweni zakanokutjho ezifana neJohannesburg, Fourways namkha iSandton.

“Kwezinye iinkathi eminyakeni edlulileko ngazibuza bona yini iplani yami yomnyaka we-30. Begodu koke okwafika enqondweni yami bekukukuthi ngiphume ekhaya lababelethi bami emakhaya,” watlola.

UMakhadzi ufikile eminyakeni yakhe ema-30, begodu amabhudango wakhe woke ayafezeka. Uveze iprojekthi yakhe ezokuthatha iinyanga ezisithandathu, watjho bona umfazi uqine njengesitina.

Uthokoze abalandeli bakhe, aziwa ngokuthi maKhadzinators, ngokumeseka kwabo._“Leli likhaya lenu. Ungadluli ulambile,” kwatlola uMakhadzi.

“Ngivele ngathatha isiqunto sokuthi nginganidanisi ngokusebenzisa imali yami ngenza izinto ezingananqondo.”

Abalandeli bapinyezele ikhasi lakhe ngemilayezo yokujabula naye. Omunye ophawulako wabuza bona ingaba wakha endaweni enganayo imizi eminye na.

UMakhadzi wawuhleka umbuzo lowo, wathi abomakhelwana bazokubonakala masinyana eenthombeni.

Uphinde waphendula abantu abacabanga bona bekufanele akhe eFourways namkha eSandton, eJohannesburg.“Nginezindlu” “Kodwana azikho eFourways namkha eSandton,” wayivala.