Akekho broke: USello Maake kaNcube ukhulumela uSeputla Sebogodi

Umlingisi odumileko uSello Maake kaNcube ulandule imibiko ekungasiyo etjengisa uSeputla Sebogodi ngathi akasenamali begodu uyatlhaga ngezeemali.

Isithombe sikaSebogodi sisetjenziswe ngendlela engafaneleki, begodu sithethwe emsebenzini wakhe wokukhangisa umdlalo wethiyetha.

UMaake kaNcube ungene eenkundleni zokuthintana wabawa umphakathi bona uhloniphe amavethereni werhwebo lezokulingisa.

Koke lokhu kuza ngemva kokusatjalaliswa kwesithombe sikaSebogodi, odume ngendima yakhe kaKenneth Mashaba ku-Generations.

Isithombe leso sithathwe ngesikhathi somsebenzi wokukhangisa umdlalo wethiyetha, i-Black Moon e-National Arts Festival.

FUNDA NALOKHU: https://ilangabinews.co.za/kuvuka-ukutshwenyeka-ngoseputla-sebogodi-ngemva-kwevidiyo/

UMaake kaNcube ungene ku-Facebook ngomhlaka 5 Velabahlinze 2026, ukuvikela isithunzi somlingani wakhe. Ubuye godu wakhalima nokulamba kwabantu kokuthandwa, ngokusabalalisa iindaba ezimamanga ngehloso yokudosa abantu.

“Kuyangidanisa khulu ukubona bona ukungatjhejwa kweqiniso kutjhugululwa ngokurhaba kube yinto yokudosa ukuthandwa.

Isithombe esisatjalaliswako khathesi besithwetjulwe ngebanga lomsebenzi.

sitjengisi isimo somuntu, kodwana sethulwa ngamabomu ngendlela elahlekisa umphakathi begodu nokudleleja isithunzi somlingisi ohlonitjhwako.”