UMama Joy ukhulumisa abantu ngesenzo sakhe endleleni eya eStellenbosch
Othanda noseka ibholo erarhwako weSewula Afrikha, uMama Joy Chauke, ngomunye ozokukhambela umngcwabo kaJayden Adams eStellenbosch.
Ihliziyo yakhe beyisendaweni efaneleko, kodwana isenzo sokuthwebula iinthombe zakhe e-Airport ngikho okumbangele iinkinga nabantu.
NgoLosihlanu, ngomhlaka 24 Velabahlinze 2026, uMama Joy wabelene ngeenthombe ezine ezihlanganisiweko ku-X(Twitter) abonakala ase-O.R Tambo International Airport.
Eenthombeni lezo, kubonakala i-boarding pass yakhe yesphaphamtjhini esiya eCape Town. Watlola wathi: ” Ngisendleleni eya eCape Town, Stellenbosch emngcwabeni kaJayden.”
I-boarding pass ebonisa isihlalo 10F ku-Economy class, zenze abalandeli bakhe babe nemibono eminengi. Abanye babuze ukuthi ngabe bekufanele na bonyana aveze lokhu ngesikhathi samatlhuwo.
FUNDA NALOKHU: https://ilangabinews.co.za/forever-like-you-promised-umlayezo-wentombi-kajayden-adams-ngemva-kweensolo-zokuqabana/
Umsebenzi womngcwabo wakaJayden obegade aneminyaka ema-25 uzokubanjelwa e-Coetzenburg Centre ese-Coetzenburg Sports Grounds eStellenbosch.
Begodu uzokuhlobokwa ngo 9:30 ekuseni bese kuthi ngo 10:00 kubemsebenzi womngcwabo.
U-Adams uzokubulungwa emazindleni we-Jamestown Cemetery begodu, Kulindeleke bonyana amalungu womndeni, abadlali bebholo, kanye nabaseki/abathandi bebholo erarhwako bahlangane ukumphekezela endaweni yakhe yokuphumula.
