U Lesego uveze isisu saka Bonko ngelanga labo baba

Umfazi ka Bonko Khoza, u Lesego Khoza ugidinge ilanga labo baba ngokuveza ukuzithwala kwakhe eenkundleni zokuthintana.

Ngomhlaka 21 Mngwengweni 2026, u Lesego oyi-content creator ungene eenkundleni zokuthintana wafisela u Bonko ilanga elihle labo baba. 

Ukhombise abalandeli bakhe iinthombe ze-maternity shoot elwandle.

Iinthombe lezi ziveze u Bonko oyikanyezi yangaphambili ye The Wife, umntwana wabo womntazana, kanye no Lesego, oveze isisu sakhe sokukhulelwa.

Ukuphekelela iinthombezi, u Lesego watlola umlayezo omnandi otjhingiswa ku baba wakwakhe u Bonko Khoza. 

Umlayezo awutlolileko ngewokuthokoza indima u Bonko ayidlalileko emndenini wabo okhulako.

“Langa elihle labo baba ku sithandwa sepilo yami. ‘Ubaba wezi ngane zami, wena wazwala amazulu’.

Ngithokozile nokuba ngubaba omangalisako ebantwaneni bethu. U Zimu wenze okuthize ngawe, man.”

Ngaphambilini, umndeni wabo uzithole ngaphakathi kwesivunguvungu, u Nirvana Nokwe nakazakuthwesa u Bonko Khoza ngeensolo zokumhlukumeza ngokomseme.

Lokhu kwabangela iinthandanezi bonyana sihlehlele emuva zithathe ikhefu eenkundleni zokuthintana.

Iindaba zokuzithwala kwabo zamukelwe balandeli babo kwanye nalabo abasebenza nabo ngemilayezo yokubathokozisa.