UZanele Potelwa ubuyela kuTropika Island of Treasure 12
Umrhatjhi nodume kwezokuzithabisa, uZanele Potelwa, ubuyele godu njengomthuli weTropika Island of Treasure season 12.
Ukubuya kwakhe kulandela ukuthumba kwakhe unongorwana weSAFTA esigabeni seBest TV Presenter ngesizini edlulileko.
Abalandeli balindele amandla wakhe, ukufudumala nokuzithemba akulethako kuhlelo.
Isizini le ihlelwe e-Réunion Island, indawo enobuhle bendalo obudosa amehlo.
Abadlali bazokungena ephaliswaneni elinobudisi obukhulu, kuhlangene neemphambeko ezingakalindeleki.
FUNDA NALOKHU: https://ilangabinews.co.za/u-zolani-mahola-uvula-isfuba-ngokutjhiya-i-freshly-ground/
Iimfuno zomzimba, amandla wokuqabanga, ukuhlela, ukubambisana nokuzimisela kuzokuhlolwa ngokupheleleko njengoba abadumileko bahlangana namalunga womphakathi ekugijimeleni umnotho.
USveti Kovatcheva, Brand Manager: Dairy Fruit Mix kwaClover, uthe umoya weTropika uhlale ugxile “ekuzideleni, ekuhlanganiseni abantu nasekwenzeni amava angakhohlwakaliko,” begodu Isizini ye-12 “iwukhuphulile umoya lowo waya kwelinye izinga.”
Wangezelela wathi i-Réunion Island iletha isizinda esihle, kodwana abantu, ukubambisana nemijarho ngikho okuzokwenza umlingo uphile.
Nabadumileko bakhona, kubalwa phakathi uNadia Nakai, uCaster Semenya, uFrancois Hougaard, uLeandie du Randt, uSandile Mahlangu, uAmanda du-Pont, uLalela Mswane noWiseman Mncube.
Boke laba bazokuhlanganiswa nabadlali ababunane (8) bomphakathi, abazokwethulwa msinyana.
Ngesizinda esitjha, igedi eliqinileko labadumileko, kanye nesqhema esitjha sabangeneleko, Isizini ye-12 ithembisa ithabo, idrama, ukuhleka nemizwa emnandi.
Ihlelo leli lizokuthoma ngoLosithathu ngomhlaka 23 Khukhulamungu (September) ngo 9 ebusuku kuSABC 1, bese ukuphindwa kube ngoLosine ngomhlaka 24 Khukhulamungu ngo 6 ntambama kuS3.
