Uphoqwe ngendlela aphatha ngayo uMakhumalo

U Musa Mseleku onabafazi abahlanu ukhombise umkakhe wesithathu u Makhumalo ithando ekhasini lakhe le Instagram ngemva kokuveza iinthombe zabo bobabili.

Ku Season 9, kwavela bonyana umendo wabo bobabili udlula ebunzimeni.

Nanyana kunjalo, abalandeli babo banethemba lokobana u Musa Mseleku kanye no Thobile “Makhumalo” Mseleku bajabulile emtjhadweni wabo ngokuya kweenthombe ezifakwe ku Instagram.

Kodwana abanye babo baqabanga bonyana u Mseleku uzama ngamandla khulu ukwenza kubonakale ngathi bajabulile ekubeni abakajabulile emtjhwadeni wabo.

“Siyazi bonyana u Thobile uyakuthanda, begodu siyafuna ukunibona nijabulile. Okungikwatisako kulokha nawumdelela phambi komhlaba woke.

Nangabe u Thobile ujabulile nathi sijabulile,” kwatlola u Sueann Pertersen ku Instagram.

Okwabanga bonyana laba ababili bagqine sele balwa nje ngoba kwavela ehlelweni le Uthando Nes’thembu kukobana u Mseleku bekangafuni ukwenza umsebenzi waka Mpilo Mseleku.

Esinye isizathu kube kukuthi u Musa Mseleku wakwatela bonyana u Makhumalo sele akwazi ukuzijamela begodu angafuni ukukhipha imali yokondla umfazi wesihlanu njengoba bekenza kwabanye.

Waba nekinga godu yokuthi wazakhela umuzi, nakaqeda la akhange amazise nakazakulungisa ikhitjhi.