I-chemistry kaNompumelelo noHlulani iyavutha ku #MAFSMzansiS3

Ihlelo le-Married at First Sight Mzansi season 3 selifikihle, kodwana, muzuzwana munye osematheni wababukeli.

UNompumelelo Sobopha ongumnikazi wamabhizinisi ubange ukutshwenyeka okukhulu kubabukeli naphakathi kwemindeni nabangani emahlongithi amabili la.

USobopha, oneminyaka ema-24 usuke wahlaselwa yisimo sokuphefumula esimbi (panick attack), ngaphambi kokobana ahlangane nomuntu ambona kokuthoma azokutjhada naye, uHlulani Ngobeni oneminyaka ema-28.

USobopha ubonakale athintenkile ngalokhu begodu aphefumula msinya khulu ngesikhathi aya e-altari, bekwafika nelunga lomndeni wakhe ukuzomseka nokumrhelebha ehlise umoya emzuzwini onzima lo.

Ababukeli abanengi baveze ukutshwenyeka khulu ngeminyaka yakhe. 

USobopha ubizwa nguMfundisi uXolani Hitlana ngokuthi “ngu-Cocomelon omncani” ngombana mncani.

Abanye abalandeli baphikisana ngokuthi uneminyaka ema-24 kuphela, uNompumelelo usesemncani khulu ukuqalana nokugandeleka ehlelweni leli le-Married at First Sight Mzansi S3.

Kungaphathwa nendaba yokuzibopha ngomtjhado nomuntu angamaziko.

Kodwana-ke, nasele afikile endodeni yakhe etjha, ukugandeleleka kwanyamalala msinya. 

Labo ababili babonise ukuzwana okubabazekako njengezinye zeenthandani kuMarried at First Sight Mzansi S3, esele zithandwa khulu