Abafazi kufuze bazibeke phambili ngeenhlolo Zepilo ezisindisa ipilo

Ubunengi bemisebenzi eyenziwa bafazi emakhaya, emindenini, emisebenzini kanye nemiphakathini kubenza bavame ukukhohlwa ukuzinakekela.

Lokho kubeka ipilo yabo engozini ngombana amatshwayo wamalwelwe abonakala sele kukhambe isikhathi.

Ukuzihlola masinyazana yindlela ebalulekileko yokuvikela umonakalo omkhulu emzimbeni.

Isikhulu esiphezulu se-Affinity Health, uMnuz Murray Hewlett, uigandelele iphuzu lokobana abafazi bangasali emuva ngokuhlola.

FUNDA NALOKHU: https://ilangabinews.co.za/ubufakazi-beqiniso-ku-izingane-zesthembu-uamahle-nompumelelo-bavule-indaba-yomntwana/

“Lokho kungasiza ukuthi kubonakale izimo msinya, iinkinga namalwelwe ahlukeneko okusuke kudinga ukulungiswa kusese nesikhathi – okungasiza ukuvimba ukubhoka komonakalo ongaba khona emzimbeni nasegazini labo nabangazinakekeliko,” kwatjho uHewlett.

Kukhuthazwa ukuhlolwa kwe-Pap Smear ne-HPV ngombana umdlavuza wesibeletho usathinta abafazi abanengi eSewula Afrika.

Abaneminyaka ema-25 ukuya kwema-65 kufuze bazihlolise qobe ngemva kweminyaka emihlanu.

Kanti godu ukuhlolwa kwamabele ne-mammogram kuqakathekile, ngombana akusilo iqiniso bona umdlavuza webele uthinta kuphela abaneminyaka edlula ema-50.

Ukuhlolwa kwe-blood pressure, i-cholesterol ne-glucose nakho kubalulekile, khulu kulabo abaneminyaka ema-35 nangaphezulu, kanye nalabo abanomlando womndeni wobulwelwe behliziyo namkha ubulwelwe beswigiri.

Kumele kuqaphelwe namatshwayo afana nokuzwa ubuhlungu nabaya esikhathini, ukutjhuguluka kombala, ukwehla namkha ukukhula komzimba ngokweqileko, kanye nobudisi bokuzithwala.

Indaba yepilo yengqondo nayo ayikafaneli ukunganakwa. 

Irhubhululo liveza bonyana abafazi basengozini ekulu yokuphathwa kukhwantalala, ngalokho, ukuhlolwa kwesimo sengqondo kufuze kube yingcenye yeenhlolo ezijayelekileko.

Umlayezo ucacile: ukuzinakekela akusibukhali, kusivikelo sepilo yesikhathi eside.