I Thol’thema ithengisa iimpahla zaka nokutjho

Ukusungula irhwebo esikhathini sa nje sekwaba yinto elula nge Digital Marketing.

Ukuveza lokhu okuthengisako eenkundleni zokuthintaba njenge Tiktok ne Instagram kuvule amathuba wokufinyelela abantu abanengi.

U Tamia Nontsikelelo wa sungula irhwebo lakhe lokuthunga nokuthengisa izembatho ngonyaka ka-2024.

U Nontsikelelo, wa sungula irhwebo lakhe ngekumbeni lakhe lokulala.

Irhwebo lakhe ekuyi Tol’thema lathoma ngeendugu ezihle zemibala ehlukahlukeneko.

Okwarhelebha irhwebo lakhe kuveza koke akwenzako eenkundleni zokuthintana.

Lokho kwenza bonyana irhwebo lakhe likhule begodu lithandiwe babantu abanengi enarheni-mazombe.

Irhwebo laka Nontsikelelo lenzela abantu bengubo amarogo kanye neendugu zaka nokutjho.

I Thol’thema lirhwebo elikhethekileko ngombana ligidinga abantu bengubo.

Akusikho lokho kuphela, kodwana izembatho zabo zigidinga amasiko wethu we Sewula Afrika.

Okhunye okwenza bonyana abantu baleseke kungombana amarogo wabo bawenze ngendlela ehlukileko.

Irogo linye ungalembatha ngendlela ezinengi ezihlukileko.

Abosaziwako abanengi nabo bayaliseka irhwebo leli.

Abanye ababonakala bambethe izambatho ze Tol’thema zaka nokutjho ngu Manaka Ranaka umlingisi we Generations The Legacy, Paballo Kgware, Candice Modiselle kanye nabanye.

Eenkundleni zokuthintana nakho bayazithanda izambatho ze Tol’thema, zisekwa khulu ma Content Creators, omunye wabo usebenze kanye no Nontsikelelo bonyana bathunge izembatho ezitja, i Thati × Tol’thema range.

Umnini we rhwebo uNotsikelelo ukhuthaze abantu bonyana basungule amarhwebo, bangalindi isikhathi esihle ngaphambi kokobana bangathoma.

Namhlanje i Tol’thema ijame rwe ngokuthi umuntu wengubo angaphumelela, ambathe ngesithunzi begodu aziqhenye ngobuyena bakhe.