I-Chery Q itjhugulula imakethi yama-EV angaphasi kwe-R400k eSA

Ikulumiswano yama-EV eSewula Afrika ihlale ivinjwa yintengo ephezulu.

I-Chery ifuna ukutjhugulula lokho nge-Chery Q, i-EV epheleleko elindeleke ukuthoma nge-R350 000, kuthi i-Elite isondele ku-R400 000.

Emva kokuyitjhayela isampula engakaphumi ngokupheleleko, kubonakala kuhle ukuthi ikoloyi le ihloselwe umthengi ofuna ukubhadela kancani kodwana athole okunengi.

Nawubuyela emlandweni, i-Chery QQ yakade itshwaywe khulu ngokufana ne-Daewoo Matiz (nofana Chevrolet Spark), kwaze kwaba necala lika-General Motors mayelana neminyango, ibhonethi nedeshibhodi.

FUNDA NALOKHU: https://ilangabinews.co.za/unogada-wejwanasbhege-uthola-i-bmw-ngemva-kwehlazo/

I-QQ yakade inenjini ye-0.8-litre, 3-cylinder, 38 kW. Namhlanje, i-Chery sele yakha ama-EV platforms aqondileko, qokubonisa igadango elikhulu lokukhula kwemikhiqizo.

I-Chery Q Elite iletha i-90 kW no-180 Nm nge-single rear motor (RWD), ibhethri le-42.7 kWh (LFP), nebanga elithi lifike ku-400 km (NEDC).

Ekukhambeni kwamalanga, ibanga elisebenzisekako lingaba phakathi kwe-280 no-320 km. Ubude bayo buyi-4 195 mm, wheelbase 2 700 mm, okutjho isikhala sangaphakathi esivulekileko.

Ngaphakathi kunobulula obuhle: i-15.6-inch infotainment screen, i-8.8-inch digital driver display, nehlelo elisekelwe ku-Qualcomm Snapdragon 8155 ukuze ukusebenza kube Lula.

Ibhuthi yi-375 L (ikhule ibe 1 450 L iinhlalo zangemuva ziphuthiww), begodu kune-70 L frunk. Umhloli uveze lokhu: “Ngamangala msinyana ngobukhulu be-Q.”

Nayifaniswa ne-Dongfeng Box E3 430, Geely E2 Apex, ne-BYD Dolphin Surf Dynamic, i-Q iveza amandla amanengi, ikhabhothi evulekileko, kanye nenethiwekhi yabathengisi be-Chery eqinileko.

Ngerediyasi yokujika eyi-5.2 m nokukhamba okuthambileko emigodini nakuma-speed bumps, i-Chery Q iziveza njengokukhetha okuqinileko kubatjhayeli bedorobheni abafuna ukungena emhlabeni wama-EV.